Phem Tanggal Na! Manuel, Pinagkaisahan ng Pump Squad!

Si Phem na nga ang pangatlong Participante na uuwi ng Pilipinas na bahag ang buntot matapos walang nabasag si Phem na salamin sa Tercera Ronda de Eliminacion na Bicicleta Atravesando Vidrios, at tuwang tuwa naman etong si Jommy na nakabasag ng dalawang salamin habang si Jose ay nabasag ang limang salamin. Mangiyak ngiyak naman etong si Phem dahil nga uuwi na siya, pero sa kabila nito ay nagpapasalamat siya na malayo layo din ang kanyang narating, kaya para sa iyo Phem, Adios!

Samantala, pinagkaisahan naman ng Pump Squad na sina Jose, RJ, at Jommy si Manuel na unang gumawa ng unang stunt na Cuarta Ronda De Eliminacion, kailangang tawirin ng mga Participantes ang tatlong level ng andamyo ang kunin ang flag sa finish. Sa ikalawang level na tubo, pinayagan ang mga babae na tumawig nang paupo habang ang mga lalaki naman ay kailangang gumapang nang pabaliktad. Meron lamang silang 10 minuto para tapusin ang stunt, at ang pinakamabagal o mahulog ay manganganib sa susunod na stunt. Pero tinapos naman ni Manuel ito ng mahusay at mukhang mahihirapan ang Pump Squad na talunin siya, Pero bakit naman umiiyak etong si Manuel? Abangan na lang sa susunod na Episode ng Pinoy Fear Factor Argentina, South America.